Ish-kryetari i Preshevës, Shqiprim Arifi, ka kritikuar presidenten në largim, Vjosa Osmani, duke thënë se gjatë gjithë mandatit të saj ka vepruar në mbështetje të Kryeministrit Albin Kurti.
Në një intervistë për “Front Online”, Arifi ka theksuar se Osmani ka luajtur vazhdimisht rolin e “atasheut mbrojtës”, duke u përqendruar në mbështetjen e veprimeve të Kurtit dhe jo në pavarësinë e institucioneve shtetërore.
Ai ka shtuar se kjo ka qenë arritja kryesore e Osmanit gjatë mandatit të saj, duke theksuar shqetësimin për ndikimin e saj në proceset politike dhe perceptimin e popullit.
