Luka Misetiq, avokat i ish-presidentit të Kosovës, Hashim Thaçi, ka kërkuar nga Gjykata Speciale që të shpallë të pafajshëm dhe ta lirojë menjëherë klientin e tij. Kërkesa u bë në versionin publik të dosjes përfundimtare gjyqësore, i dorëzuar më 27 mars 2026, pas versionit fillestar konfidencial të 19 janarit.
Mbrojtja e Thaçit argumenton se Prokuroria e Hagës ka përpjekur të rishkruajë historinë e Kosovës, duke e paraqitur UÇK-në si një Ndërmarrje Kriminale të Përbashkët, gjë që sipas avokatit nuk mbështetet nga faktet. Misetiq thekson se jeta dhe karriera e Thaçit i janë kushtuar lirisë dhe pavarësisë së Kosovës dhe se çdo dënim do të ishte një dështim i rëndë i drejtësisë.
Avokati gjithashtu ka përmendur se akuzat e ngritura nga Prokuroria mbështeten kryesisht në deklaratat e kundërshtarëve politikë të Thaçit, që sipas tij kishin motive për ta diskredituar. Ai ka theksuar se Gjykata Speciale ishte krijuar për të hetuar akuzat e senatorit Dick Marty, të cilat, sipas mbrojtjes, u bënë pjesë e një fushate dezinformimi rus.
