Kryeministri i Shqipërisë, Edi Rama, ka bërë të ditur se qeveria po përgatit një skemë të re pensionesh që synon të inkurajojë kursimet individuale.
Sipas tij, qytetarët që zgjedhin të kontribuojnë më shumë nga paga për pensionin do të mbështeten nga shteti, i cili do të shtojë të njëjtën shumë në fond. Kjo pritet të ndihmojë në krijimin e një fondi më të qëndrueshëm pensionesh dhe të forcojë lidhjen mes punonjësve dhe sektorit privat.
Rama theksoi gjithashtu se tregu i punës po ndryshon, duke rritur kërkesën për specialistë në fusha të caktuara. Ai u shpreh se kompanitë nuk duhet të kursejnë te pagat për profesionistët, pasi aftësitë dhe specializimi janë bërë faktorët kryesorë në zhvillimin ekonomik.
