Policia Rajonale e Ferizajt ka shtuar kontrollet në trafik nga 1 deri më 13 prill 2026, me fokus te motoçikletat dhe skuterët, duke shqiptuar 96 gjoba për shkelje të rregullave.
Gjatë kësaj periudhe janë konfiskuar edhe 48 motoçikleta, kryesisht për mungesë dokumentacioni.
Shkeljet më të shpeshta përfshijnë drejtimin pa patentë shoferi, pa regjistrim dhe pa helmetë mbrojtëse.
Policia ka apeluar për respektim të rregullave në trafik dhe ka paralajmëruar vazhdimin e kontrolleve në ditët në vijim.
