Kryetari i PDK-së, Bedri Hamza, ka akuzuar kryeministrin Albin Kurti për bllokim institucional dhe përdorim të çështjeve shtetërore për qëllime politike. Ai tha se deklaratat e fundit për zgjedhjen e Presidentit janë përpjekje për t’ia hedhur fajin opozitës, ndërsa e cilësoi qasjen e Kurtit si përplasëse dhe jo bashkëpunuese.
Hamza theksoi se vendi po përballet me bllokada politike prej gati dy vitesh dhe se PDK ka ofruar vazhdimisht dialog, kompromis dhe zgjidhje konkrete, përfshirë emra konsensualë për Presidentin. Sipas tij, këto propozime nuk janë marrë seriozisht nga pushteti.
Në fund, ai u shpreh se institucionet nuk duhet të përdoren për beteja politike dhe theksoi se stabiliteti institucional është interes shtetëror, duke përjashtuar mundësinë e pazareve politike.
