Ish-deputeti i PDK-së, Artan Behrami, ka reaguar ndaj zhvillimeve të fundit politike në vend, duke ngritur kritika për mënyrën e funksionimit të institucioneve.
Sipas tij, për disa orë gjatë mbrëmjes së kaluar, Kuvendi i Kosovës është shndërruar në një situatë që ai e përshkruan si “realitet pa opozitë”, ku munguan kundërshtimet dhe debati institucional.
Behrami ka deklaruar se për një periudhë të shkurtër është krijuar një atmosferë e mbështetjes së plotë dhe dominimit politik, të cilën ai e ka cilësuar si të pazakontë për funksionimin demokratik.
Megjithatë, ai thekson se kjo situatë ka qenë e përkohshme dhe sipas tij, me kalimin e kohës është rikthyer normaliteti institucional.
Në fund të reagimit të tij, Behrami ka theksuar se institucionet e Republikës së Kosovës vazhdojnë funksionimin e tyre normal.
