Kandidati për deputet nga PDK, Artan Behrami, ka deklaruar në një debat televiziv se Lëvizja Vetëvendosje nuk është distancuar nga metodat dhe kauzat me të cilat, sipas tij, ka ardhur në pushtet.
Behrami tha se VV nuk është shkëputur nga “dhuna politike”, përdorimi i gazit lotsjellës dhe kauzat që ai i quajti të rrejshme.
Ai shtoi se shumë nga çështjet për të cilat VV kishte protestuar më herët nuk janë ndryshuar pas ardhjes në pushtet, duke përmendur demarkacionin, fusnotën dhe pakon e Ahtisaarit.
Në fund, Behrami bëri thirrje për mbështetje të PDK-së në zgjedhje.
