Vitamina D, e njohur si “vitamina e diellit”, luan rol të rëndësishëm në shëndetin e kockave dhe funksionimin e organizmit. Ajo sigurohet kryesisht përmes ekspozimit në diell dhe ushqimit.
Disa kategori mund të kenë nevojë më të madhe për suplementim, veçanërisht fëmijët deri në një vjeç, gratë shtatzëna dhe gratë në menopauzë. Suplementet mund të jenë të nevojshme edhe te personat që kanë mungesë të vitaminës D.
Megjithatë, përdorimi i vitaminës D pa këshillën e mjekut nuk rekomandohet, pasi marrja e tepërt mund të jetë e dëmshme. Para përdorimit të suplementeve, këshillohet konsultimi me profesionist shëndetësor.
