Anëtari i Kryesisë së AAK-së, Daut Haradinaj, ka kritikuar kryeministrin në detyrë, Albin Kurti, për zhvillimet e fundit politike në vend.
Përmes një postimi në Facebook, Haradinaj ka akuzuar pushtetin për shkelje të Kushtetutës dhe ligjeve, si dhe për presion ndaj opozitës dhe institucioneve parlamentare.
Ai ka pretenduar se qasja e Kurtit po e dëmton funksionimin demokratik të institucioneve dhe ka shprehur shqetësimin për drejtimin politik të vendit.
Haradinaj ka thënë se Republika e Kosovës dhe institucionet e saj duhet të jenë mbi interesat e çdo individi apo partie politike.
Në fund, ai i ka bërë thirrje Kurtit që të mos ndërmarrë veprime që, sipas tij, mund ta çojnë vendin drejt situatave të pasigurta politike.
