Presidentja e Kosovës, Vjosa Osmani, është takuar sot me kryetarin e Lëvizjes Vetëvendosje, Albin Kurti, në kuadër të përpjekjeve për të gjetur një zgjidhje për ngërçin politik që ka penguar konstituimin e Kuvendit të ri të Kosovës.
Ky përbën takimin e dytë që presidentja po zhvillon me përfaqësuesit politikë, pas konsultimeve fillestare që ishin organizuar në një format të përbashkët me liderët e të gjitha partive. Ndryshe nga hera e parë, kësaj radhe takimet po mbahen individualisht me secilin udhëheqës partie.
Pas bisedimeve me Albin Kurtin, presidentja Osmani do të takohet veçmas edhe me kryetarin e PDK-së, Memli Krasniqi, kryetarin e LDK-së, Lumir Abdixhiku, si dhe me kryetarin e AAK-së, Ramush Haradinaj.
