Hulumtime të reja sugjerojnë se aspirina mund të ketë efekte të dyfishta te pacientët me kancer të gjirit, duke vepruar si një “ruletë ruse”.
Ndërsa te disa pacientë ajo mund të rrisë gjasat për mbijetesë përmes reduktimit të inflamacionit, te të tjerët mund të ketë efekt të kundërt.
Studiuesit e Universitetit të Karolinës së Veriut theksojnë se ndikimi i aspirinës lidhet me karakteristikat gjenetike të tumorit dhe pacientit, pasi kimikatet e saj mund të ndikojnë në metilimin e ADN-së dhe në shprehjen e gjeneve.
Studimi, i publikuar në revistën CANCER, nënvizon se përdorimi i aspirinës nuk është i njëjtë për të gjithë dhe kërkon kujdes e vlerësim individual.
