Zyra e Bashkimit Evropian në Kosovë ka vlerësuar sot kryeministrin Albin Kurti për angazhimin e tij në forcimin e marrëdhënieve mes Kosovës dhe BE-së, duke u fokusuar në përparimin që është arritur deri tani dhe mundësitë për të ardhmen. Shefi i Zyrës së BE-së në Kosovë, Aivo Orav, falënderoi Kryeministrin për bashkëpunimin dhe theksoi mbështetjen e fuqishme që Bashkimi Evropian ka ofruar për zhvillimin e Kosovës.
Orav shprehu shpresën se së shpejti të gjitha institucionet kosovare do të jenë të plota dhe të përkushtuara ndaj procesit të integrimit evropian. Ai theksoi rëndësinë e një bashkëpunimi të vazhdueshëm për të siguruar progresin demokratik dhe ekonomik të Kosovës, dhe për të hapur rrugën e mëtejshme për integrimin e plotë në BE.
