Kapiteni i Kombëtares së Kosovës, Vedat Muriqi, reagoi fuqishëm ndaj një tifozi që e akuzoi për ndarjen e informacioneve me Kombëtaren e Turqisë para ndeshjes në Fadil Vokrri Stadium. Tifozi e kishte quajtur Muriqin “gjysmë-turk” dhe pretendonte një komunikim të afërt me lojtarët turq.
Sulmuesi i RCD Mallorca mohoi kategorikisht akuzat, duke i quajtur të pabaza dhe ofenduese:
“Me mendu që një lojtar i Kombëtares, në një lojë vendimtare për shtetin e vet, e shet ndeshjen… duhet të ketë probleme mentale ose të jetë pa respekt për një lojtar që ka dhënë gjithçka për Kosovën”, shkroi Muriqi.
Reagimi i tij erdhi pas humbjes së Kosovës, duke nxitur debat në opinionin sportiv.
