Më 6 prill 2026, njësitë e Policisë dhe Doganës së Kosovës ndaluan një automjet pa targa në zonën Banjskë–Sharani-Kamen, gjatë një aksioni kundër kontrabandës.
Personat në automjet braktisën veturën dhe u larguan në drejtim të panjohur.
Gjatë kontrollit u gjetën 32 thasë me pantallona (1217 xhinse), një thes me rripa pantallonash (303 copë), një palë targa serbe, një kanistër me naftë dhe një radiolidhje.
Njësitë e Doganës konfiskuan mallin e kontrabanduar, ndërsa rasti do të vazhdojë të trajtohet nga Dogana e Kosovës me udhëzime të Prokurorit të Shtetit.
