Kryetari i Drenasit, Ramiz Lladrovci, ka kujtuar ditët e fundit si të rënda për qytetarët e komunës, teksa janë përkujtuar dëshmorët dhe martirët e luftës.
Ai bëri të ditur se janë nderuar dëshmorët Mehdi dhe Sylejman Bytyqi, si dhe martirët e Gllanasellës, ndërsa në përvjetorin e 17 prillit janë bërë homazhe edhe në Marinë, Poklek, Çikatovë dhe Krajkovë.
Sipas tij, masakrat në Poklek dhe Çikatovë mbeten dëshmi e krimeve të kryera ndaj shqiptarëve gjatë luftës, duke theksuar rëndësinë e kujtesës dhe nderimit të vazhdueshëm për të rënët.
Lladrovci përmendi edhe aktivitetet përkujtimore kulturore, përfshirë koncertet përkujtimore dhe promovimin e librit “Revolta e Syzifit” të Bardhyl Mahmuti, kushtuar Masakrës së Poklekut.
Në fund, ai bëri thirrje për nderim të përhershëm të dëshmorëve dhe martirëve të kombit.
