Lidhja e Bizneseve të Kosovës në bashkëpunim me Shoqatën e Ndërtimtarëve të Kosovës zhvilluan një takim për të diskutuar sfidat e sektorit të ndërtimit. U theksuan problemet kryesore si rritja e çmimeve të materialeve, vonesat në leje ndërtimi, mungesa e fuqisë punëtore dhe pasiguria institucionale.
Përfaqësuesit e bizneseve kërkuan zbatim të ligjeve, ulje të burokracisë dhe qasje më të lehtë në financim, duke paralajmëruar se kufizimet aktuale dhe reduktimi i kreditimit nga bankat po rrezikojnë qëndrueshmërinë e sektorit. Ata bënë thirrje për politika më mbështetëse, duke theksuar se ndërtimtaria mbetet shtyllë kyçe e zhvillimit ekonomik dhe punësimit në vend.
