Deputeti i PDK-së, Përparim Gruda, ka kritikuar ashpër kryeministrin Albin Kurti, duke thënë se ai po e çon vendin drejt zgjedhjeve të reja, pavarësisht mundësive për të arritur zgjidhje politike.
Sipas Grudës, Kurti nuk e ka shfrytëzuar periudhën shtesë të dhënë nga Gjykata Kushtetuese për të gjetur marrëveshje për çështjen e presidentit, duke e cilësuar këtë kohë si të humbur dhe pa përpjekje serioze.
Ai shtoi se veprimet e deritanishme tregojnë mungesë vullneti për kompromis dhe se qytetarët, sipas tij, do të reagojnë në proceset e ardhshme zgjedhore.
