Deputetja e Lidhjes Demokratike të Kosovës, Jehona Lushaku-Sadriu, ka shprehur skepticizëm për mundësinë e vazhdimit të bisedimeve me kryeministrin Albin Kurti lidhur me çështjen e presidentit, edhe në rast të një ftese të re.
Ajo tha se LDK-ja më herët ka marrë pjesë në takime dhe diskutime për këtë çështje, por sipas saj, oferta e paraqitur nuk është perceptuar si qasje serioze për ndërtim të partneritetit politik.
Jehona Lushaku-Sadriu kritikoi gjithashtu mënyrën e komunikimit të Lëvizjes Vetëvendosje, duke e cilësuar si arrogante në diskurs dhe sjellje institucionale.
Ajo u shpreh se, bazuar edhe në vlerësimin e kryetarit të LDK-së Lumir Abdixhiku, nuk ka hapësirë të mjaftueshme për vazhdimin e negociatave, duke thënë se nuk është optimiste për arritjen e një marrëveshjeje.
