Policia e Kosovës dhe Zyra e Kryeprokurorit të Shtetit kanë njoftuar se po vazhdojnë hetimet për rastet që lidhen me ndërhyrje të kundërligjshme në procesin zgjedhor.
Sipas institucioneve, gjatë javëve të fundit janë trajtuar disa raste të dyshuara për ndikim në vullnetin e votuesve. Më 19 maj në Graçanicë u arrestuan shtatë persona për cenim të përcaktimit të lirë të votuesve, ndërsa më 4 qershor u arrestua edhe një person tjetër nën dyshimin për ryshfet në lidhje me votimin.
Policia dhe Prokuroria theksojnë se do të vazhdojnë veprimet për mbrojtjen e integritetit të zgjedhjeve dhe u bëjnë thirrje qytetarëve të raportojnë çdo rast të presionit apo ndërhyrjes së paligjshme.
