Gjatë periudhës së menopauzës, gratë mund të përjetojnë simptoma si valët e nxehtësisë dhe çrregullime të gjumit, ndërsa rritet edhe rreziku për sëmundje të zemrës dhe osteoporozë.
Ekspertët këshillojnë një stil jetese të shëndetshëm për të lehtësuar këtë fazë, duke përfshirë ndalimin e duhanit, ushqyerje të balancuar me shumë fruta, perime dhe fibra, si dhe marrjen e mjaftueshme të kalciumit dhe vitaminës D.
Po ashtu rekomandohet aktiviteti fizik i rregullt, sidomos ushtrime që forcojnë kockat, si ecja ose ngjitja e shkallëve disa herë në javë.
Mjekët theksojnë se menopauza është një gjendje natyrale fiziologjike dhe trajtimet synojnë vetëm lehtësimin e simptomave dhe përmirësimin e cilësisë së jetës, ndaj këshillohet konsultimi me mjekun në rast shqetësimesh.
