Kandidati për deputet nga Lidhja Demokratike e Kosovës, Berat Rukiqi, ka deklaruar se partia e tij e ka të përcaktuar si kusht të domosdoshëm pranimin e gazit amerikan në çdo marrëveshje për krijimin e institucioneve të reja.
Në një intervistë televizive, Rukiqi tha se ky qëndrim është pjesë e politikës zyrtare të LDK-së dhe se nuk do të jetë i negociueshëm në asnjë bashkëpunim pas zgjedhjeve të 7 qershorit.
Sipas tij, çështja e gazit trajtohet si “vijë e kuqe”, njësoj si qëndrimet e partisë ndaj subjekteve të caktuara politike.
Ai theksoi se çdo marrëveshje institucionale ku përfshihet LDK duhet të përfshijë pranimin e gazit amerikan si pjesë të saj.
