Deputeti i zgjedhur i PDK-së, Jakup Nura, ka kërkuar që Kuvendi i Kosovës të konstituohet dhe të respektohet vullneti i qytetarëve të shprehur në zgjedhje.
Nga foltorja e Kuvendit, Nura tha se partia fituese ka të drejtë të propozojë kryetarin e Kuvendit, por nuk duhet ta përdorë këtë pozitë për të zvarritur procesin.
Ai theksoi se seanca konstituive duhet të vazhdojë deri në përfundimin e procedurave, duke akuzuar shumicën për bllokim institucional.
“Fitorja në zgjedhje është mandat për të qeverisur, jo licencë për ta bllokuar shtetin”, tha Nura.
