Me rastin e festës së Fitër Bajramit, përfaqësues të institucioneve dhe jetës publike në Malishevë kanë zhvilluar vizitë urimi në Këshillin e Bashkësisë Islame në këtë komunë.
Në këtë vizitë morën pjesë përfaqësues të Policisë së Kosovës, udhëheqës të Kuvendit Komunal, përfaqësues politikë nga subjektet kryesore, si dhe figura të tjera nga jeta publike, përfshirë drejtues lokalë dhe përfaqësues fetarë.
Gjatë takimit, u përcollën urime për festën, duke u theksuar rëndësia e bashkëpunimit ndërinstitucional, ruajtjes së harmonisë dhe përkushtimit ndaj vlerave shoqërore e fetare.
Nga ana e Bashkësisë Islame në Malishevë u shpreh mirënjohje për vizitat, duke i cilësuar ato si dëshmi të respektit dhe bashkëpunimit të ndërsjellë. Në fund, u përcollën urime për paqe, mirëqenie dhe begati për të gjithë qytetarët.
