Një komandant i njësisë së Frontit Jugor të Hezbollahut, Hajj Yusuf Ismail Hashem, u vra dje në një sulm të saktë nga marina izraelite në Beirut, ka bërë të ditur Ushtria e Mbrojtjes së Izraelit (IDF).
Sipas IDF-së, Hashem ishte një figurë qendrore e grupit të mbështetur nga Irani dhe ka udhëhequr plane sulmesh kundër qytetarëve dhe ushtarëve izraelitë.
Ushtria izraelite theksoi se eliminimi i tij dobëson aftësinë e Hezbollahut për të kryer sulme dhe për të menaxhuar operacionet në jug të Libanit.
