Deputeti i PDK-së, Artan Behrami, ka ironizuar deputetët e Lëvizjes Vetëvendosje gjatë seancës për rritjen e çmimit të naftës, duke thënë se numri i vogël i fjalimeve lidhet me mungesën e përgatitjes.
Ai përmendi edhe emrin e Dejona Mihalit, duke aluduar se deputetët nuk kishin fjalime të gatshme.
Behrami kritikoi edhe kryeministrin Albin Kurti, duke thënë se ai u largua nga seanca dhe e lidhi këtë me një intervistë të ish-këshilltarit Shkëlzen Gashi.
Ai shtoi se qytetarët po përballen me çmime të larta të karburanteve, ndërsa sipas tij institucionet nuk po japin zgjidhje konkrete për situatën ekonomike.
