Kryetari i Partisë Demokratike të Kosovës, Bedri Hamza, ka zhvilluar një takim pune me kryetarët dhe përfaqësuesit e komunave të udhëhequra nga PDK, me fokus në forcimin e organizimit të brendshëm dhe rritjen e mobilizimit politik.
Hamza theksoi se në kohën e sfidave politike dhe ekonomike, strukturat e partisë duhet të jenë më aktive dhe më të lidhura me qytetarët, duke punuar për një program të qartë dhe të zbatueshëm.
Sipas tij, degët e partisë duhet të shërbejnë si qendra të ideve dhe komunikimit të drejtpërdrejtë me qytetarët, në mënyrë që PDK të ofrojë alternativa konkrete zhvillimore.
Në takim u diskutua edhe për rritjen e koordinimit mes nivelit qendror dhe atij lokal, si dhe për përfshirjen më të madhe të strukturave në hartimin e politikave të ardhshme të partisë.
