Guvernatori i Bankës së Anglisë, Andrew Bailey, ka paralajmëruar se kriza energjetike e lidhur me luftën me Iranin mund të rrisë inflacionin në shumë vende dhe të ndikojë negativisht në ekonominë globale.
Ai theksoi se kjo situatë mund të ndryshojë pritjet për uljen e normave të interesit në Mbretërinë e Bashkuar, duke shtuar se është ende herët për vendime të qarta.
Ndërkohë, ministrja britanike e Financave, Rachel Reeves, ka kritikuar zhvillimet e fundit, duke thënë se situata aktuale nuk e bën botën më të sigurt.
Sipas zyrtarëve, lufta pritet të ketë ndikim të drejtpërdrejtë në çmimet dhe aktivitetin ekonomik në nivel global.
