Kryeministri i Kosovës, Albin Kurti, ka deklaruar pas takimit me kreun e Lidhja Demokratike e Kosovës, Lumir Abdixhiku, se ka propozuar që ai të jetë zëvendëskryeministër në një qeveri të përbashkët, por oferta është refuzuar.
Kurti tha se LDK-së i është ofruar pjesëmarrje në qeveri me poste ministrore, si dhe më pas një propozim për riorganizim të pozitave në Kuvend, por sipas tij as këto nuk janë pranuar.
Ai theksoi se ka bërë disa tentativa për marrëveshje dhe bashkëqeverisje për të shmangur zgjedhjet e reja, të cilat i konsideron të panevojshme dhe me kosto për vendin, por që sipas tij nuk ka pasur gatishmëri nga palët e tjera për kompromis.//EO//
