Ministrja Mimoza Kusari-Lila ka kritikuar opozitën për, siç tha ajo, shmangie nga përgjegjësia dhe shtrembërim të fakteve lidhur me sektorin e energjisë dhe privatizimin.
Ajo tha se akuzat ndaj saj nuk qëndrojnë dhe se privatizimi i distribucionit të KEK-ut ka qenë proces i nisur dhe përfunduar nga qeveritë e mëhershme, me përfshirje edhe të partnerëve ndërkombëtarë.
Sipas saj, dokumentet e procesit janë publike dhe nuk ka pasur përfitime personale apo parregullsi, ndërsa theksoi se përgjegjësia nuk mund t’i faturohet një personi të vetëm.
