Ish-deputeti i LDK-së, Paris Guri, ka deklaruar se partia e tij ka qenë e hapur për marrëveshje politike për zgjedhjen e një presidenti konsensual.
Ai tha se LDK kishte dorëzuar nënshkrimet dhe ishte e gatshme të mbështeste një kandidat të përbashkët, por sipas tij Lëvizja Vetëvendosje nuk ka shfaqur interes për një zgjidhje të tillë.
Guri e quajti propozimin për Feride Rushitin si të imponuar në fund të procesit, duke shtuar se kjo ka çuar në dështimin e zgjedhjes së presidentit dhe në shkuarjen e vendit drejt zgjedhjeve.
Ai po ashtu tha se Vjosa Osmani do të jetë pjesë e LDK-së dhe se rikthimi i saj do të mirëpritej në parti.
