Arben Gashi ka reaguar lidhur me debatet për pjesëmarrjen në protestat e fundit në Tiranë, duke theksuar se përgjegjësia për situatën nuk duhet kërkuar jashtë vendit.
Ai ka vlerësuar se protestat përfaqësojnë një mobilizim të madh qytetar dhe nuk mund të reduktohen në pjesëmarrjen e disa qindra personave nga Kosova. Sipas Gashit, qytetarët e Kosovë janë pjesë e një hapësire të përbashkët me Shqipërinë dhe është e gabuar që pakënaqësitë politike të shpjegohen me narrativa për “fajtorë të jashtëm”.
Ai ka theksuar se problemi qëndron brenda vendit, duke përmendur cilësinë e qeverisjes, funksionimin e institucioneve dhe mungesën e besimit qytetar si shkaqet kryesore të protestave masive.
Në postimin e tij, Gashi ka thënë se, pavarësisht dallimeve në shifra për pjesëmarrjen, bëhet fjalë për një mobilizim të gjerë qytetar që nuk mund të shpjegohet me disa qindra pjesëmarrës nga Kosova, duke shtuar se qytetarët kosovarë janë pjesë e një hapësire të përbashkët ekonomike dhe shoqërore me Shqipërinë.
Ai ka përfunduar se debati duhet të fokusohet në shkaqet reale të pakënaqësisë dhe jo në kërkimin e fajtorëve të jashtëm, duke theksuar se demokracia forcohet përmes adresimit të problemeve të brendshme dhe dëgjimit të qytetarëve.
