Komandanti i misionit të KFOR-it të udhëhequr nga NATO, gjeneralmajor Özkan Uluta ş, ka pritur sot ambasadorin e Hungarisë në Kosovë, shkëlqësinë e tij László István Dux, në selinë e KFOR-it në Camp Film City, Prishtinë.
Takimi i ofroi një mundësi të vlefshme Komandantit për të përshkruar situatën e sigurisë në rajon, duke theksuar përkushtimin e KFOR-it për të ruajtur një ambient të sigurt për të gjithë njerëzit në Kosovë.
Gjeneralmajor Uluta ş përgëzoi profesionalizmin dhe nivelin e lartë të trajnimit të kontingjentit hungarez dhe falënderoi shkëlqësinë e tij Dux për kontributin e gjatë të Hungarisë në KFOR dhe në paqen dhe stabilitetin në rajon.
