UEFA Champions League vazhdon sonte me ndeshjet kthyese të fazës “play-off”, ku do të përcaktohen katër skuadrat e fundit që sigurojnë vendin në 1/8 e finales.
Në San Siro, Inter Milan synon përmbysjen ndaj Bodø/Glimt pas humbjes 3-1 në Norvegji. Italianët duhet të sulmojnë që në start, ndërsa mysafirët do të mbrojnë epërsinë dhe do të kërkojnë kundërsulmin.
Në Madrid, Atlético Madrid përballet me Club Brugge pas barazimit 3-3 në takimin e parë, duke lënë gjithçka të hapur për kualifikim.
Në Gjermani, Bayer Leverkusen pret Olympiacos me avantazhin 2-0, ndërsa në Angli Newcastle United është shumë pranë kalimit tutje pas fitores 6-1 ndaj Qarabağ FK.
Mbrëmja pritet të sjellë emocione dhe ritëm të lartë, me verdiktet e fundit për fazën e eliminimit direkt.
