Kryeministri i Shqipërisë, Edi Rama, mori pjesë në asamblenë e Partisë Socialiste të Shqipërisë në Njësinë 12 në Tiranë, ku foli për zhvillimet ekonomike në vend.
Ai theksoi se ekonomia shqiptare ka shënuar rritje të vazhdueshme, duke përmendur rritjen e pagave, përfshirjen e pagesës për vjetërsinë në punë për sektorë të ndryshëm dhe rritjen graduale të pensioneve në vitet në vijim.
Rama refuzoi kritikat për rritje të korrupsionit, duke i cilësuar ato si të pavërteta. Sipas tij, nëse korrupsioni do të ishte rritur, nuk do të kishte zhvillim ekonomik dhe përmirësim të kushteve për qytetarët.
Ai shtoi se ndryshimet e arritura janë rezultat i rritjes së mundësive ekonomike dhe politikave të ndjekura nga qeveria.
