Deputetja e Lidhjes Demokratike të Kosovës, Hykmete Bajrami, ka reaguar ndaj raportimeve për një marrëveshje të mundshme me Lëvizjen Vetëvendosje, duke theksuar se nuk ka informacion konkret për një zhvillim të tillë.
Ajo u shpreh se qëndrimi i saj për këtë çështje është i njohur prej vitesh dhe nuk ka ndryshuar, duke refuzuar të komentojë mbi situata hipotetike.
Ndërkohë, sipas raportimeve mediale, kryeministri Albin Kurti dhe kreu i LDK-së Lumir Abdixhiku pritet të intensifikojnë takimet për çështjen e zgjedhjes së presidentit, si dhe për tema të tjera institucionale.
Po ashtu, është raportuar se Glauk Konjufca mund të tërhiqet nga kandidatura për president, ndërsa emri i Albulena Haxhiu përmendet si alternativë e mundshme.
Ndërkohë, Lutfi Haziri është përfolur si kandidat për postin e kryetarit të Kuvendit.
