Deputetja e Partisë Demokratike të Kosovës (PDK), Vlora Çitaku, ka reaguar lidhur me seancën e jashtëzakonshme për zgjedhjen e presidentit, duke thënë se nuk ka nevojë për debat nëse Kosova duhet të ketë apo jo president, pasi kjo është çështje kushtetuese dhe shtetërore.
Ajo kritikoi Lëvizjen Vetëvendosje (LVV), duke thënë se kjo parti nuk po e trajton seriozisht procesin dhe se, sipas saj, ka mungesë të vullnetit për bashkëpunim institucional.
Çitaku theksoi se PDK ka ofruar opsione konkrete për zgjidhje, ndërsa akuzoi LVV-në për qasje joserioze dhe për mosangazhim në ndërtimin e konsensusit politik.
Sipas saj, mënyra se si po vepron LVV nuk synon zgjidhje, por nënshtrim të palëve të tjera politike, duke shtuar se kjo qasje, siç u shpreh ajo, po prodhon krizë në vend të marrëveshjes.
