Policia e Kosovës ka njoftuar se ka ndërmarrë masa shtesë për garantimin e një procesi zgjedhor të sigurt dhe demokratik më 7 qershor 2026.
Në kuadër të përgatitjeve, janë mbajtur takime koordinuese me drejtorët rajonalë të policisë, si dhe me përfaqësues të institucioneve vendore dhe ndërkombëtare, përfshirë Komisionin Qendror të Zgjedhjeve dhe misionet monitoruese.
Drejtori i Përgjithshëm i Policisë, kolonel Gazmend Hoxha, ka theksuar se deri tani procesi ka kaluar i qetë dhe pa incidente që cenojnë sigurinë publike.
Policia ka bërë të ditur se do të angazhohet para, gjatë dhe pas ditës së votimit për të ruajtur rendin publik dhe për të garantuar ushtrimin e lirë të së drejtës së votës nga qytetarët, duke ftuar njëkohësisht qytetarët të raportojnë çdo parregullsi.
