Komisioni Qendror i Zgjedhjeve (KQZ) ka njoftuar se sot pritet të përfundojë procesi i rinumërimit të 185 vendvotimeve të rregullta në Qendrën e Numërimit dhe Rezultateve.
Gjatë ditës së parë të rinumërimit janë rinumëruar 176 vendvotime, ndërsa 9 vendvotimet e mbetura po rinumërohen sot. Sipas KQZ-së, këto vendvotime përbëjnë 7.41 për qind të gjithsej 2,498 vendvotimeve ku u zhvillua votimi më 7 qershor 2026.
KQZ thekson se rinumërimi është masë kontrolli e paraparë me rregullore, me qëllim garantimin e saktësisë së rezultateve dhe adresimin e parregullsive të evidentuara gjatë proceseve të mëparshme të numërimit.
