Presidenti amerikan Donald Trump ka rikthyer tensionet me Bashkimin Evropian, duke kërcënuar me vendosjen e tarifave doganore deri në 100% ndaj vendeve që, sipas tij, vendosin taksa mbi shërbimet dixhitale të kompanive amerikane.
Përmes një postimi në rrjetin e tij “Truth Social”, Trump paralajmëroi se çdo vend evropian që aplikon një taksë të tillë do të përballet me masa të ashpra tregtare nga SHBA.
Në të njëjtën kohë, ai ka kritikuar edhe Iranin, duke e akuzuar për shkelje të armëpushimit në ngushticën e Hormuzit, duke rritur më tej tensionet ndërkombëtare.
Reagimi i Bashkimit Evropian ka qenë i menjëhershëm, ku një zëdhënëse e Komisionit Evropian theksoi se BE ka të drejtë sovrane të rregullojë aktivitetin ekonomik në territorin e saj dhe paralajmëroi se çdo masë e njëanshme do të përballet me reagim të shpejtë dhe të vendosur.
