Pakistani ka kryer sulme ajrore dhe ka dërguar trupa tokësore në zonat kufitare me Afganistanin, duke shkaktuar dhjetëra viktima, sipas autoriteteve afgane.
Qeveria talebane e Afganistanit e ka dënuar ashpër operacionin, duke e cilësuar si “krim” dhe “mizori”, ndërsa ka bërë të ditur se të paktën 100 persona janë vrarë ose plagosur.
Nga ana tjetër, autoritetet pakistaneze deklaruan se gjatë operacionit janë vrarë 29 militantë dhe se aksioni ishte përgjigje ndaj sulmeve të fundit terroriste ndaj civilëve në Pakistan.
Islamabadi vazhdon të akuzojë Afganistanin për strehimin e grupeve militante që kryejnë sulme në territorin pakistanez, pretendim që mohohet nga qeveria talebane.
