ZRRE: Kur tarifat në dhjetor do të shqyrtohen, çmimi i rrymës mund të rritet
Zyra e Rregullatorit për Energji nuk e përjashton mundësinë që deri të fund të vitit të bëjë sërish shqyrtimin e tarifave të reja të energjisë elektrike.
Sipas kryesuesit të Bordit të ZRRE-së, Ymer Fejzullahu shqyrtimi i tarifave mund të përfshirje ngritje apo edhe ulje të tarifave të energjisë elektrike varësisht nga kosto e sistemit.
“Ne mund të themi që ajo do të jetë shqyrtimi i ardhshëm tarifor në dhjetor… do ketë mundësi edhe të rritjes, por nuk përjashtohet mundësia edhe e zbritjes në rast kursimeve… jo domosdoshmërisht në mënyrë arbitrare të kemi rritje dhe zbritje ato varen nga kosto e sistemit”, deklaroi Fejzullahu pas mbledhjes së bordit të ZRRE-së.
