Izraeli ka rihapur të hënën pikën kufitare Rafah mes Gazës dhe Egjiptit për kalime këmbësorësh, duke lejuar palestinezët të hyjnë ose të largohen nga territori, por nën masa të rrepta sigurie dhe kufizime në numrin e udhëtarëve.
Autoritetet izraelite bëjnë të ditur se kalimi do të funksionojë në mënyrë të kufizuar dhe me kontrolle të shtuara. Rihapja e Rafah është pjesë e fazës së parë të marrëveshjes së armëpushimit të ndërmjetësuar nga SHBA.
Pavarësisht këtij hapi, Izraeli vazhdon të mos lejojë hyrjen e gazetarëve të huaj në Gaza, ndërsa mijëra palestinezë ende kanë nevojë për trajtim mjekësor jashtë territorit.
