Deputetja e Aleancës për Ardhmërinë e Kosovës, Time Kadrijaj, ka kritikuar pushtetin lidhur me punësimet dhe, sipas saj, ndikimin e familjarëve të zyrtarëve në institucione.
Ajo tha se Lëvizja Vetëvendosje ka ardhur në pushtet me premtimin për luftimin e oligarkëve, por sipas saj, në vend të kësaj, janë favorizuar familjarë dhe persona të afërt me pushtetin.
Kadrijaj ngriti gjithashtu kritika për sektorin e energjisë dhe kompanitë e përfshira në treg, duke pretenduar se disa kompani përfitojnë nga situata aktuale.
Ajo akuzoi qeverinë për rritjen e çmimeve të energjisë dhe theksoi se barrën kryesore po e mbajnë qytetarët.
Në fund, Kadrijaj tha se Kuvendi është hapësirë për deputetët dhe kërkoi që të respektohet fjala e tyre gjatë seancave.
