Kryeministri britanik, Keir Starmer, ka paralajmëruar për rritje të tensioneve mes presidentit Donald Trump dhe aleatëve evropianë, gjatë një takimi të liderëve në Jerevan, ku u diskutuan krizat në Ukrainë dhe Iran.
Ai tha se marrëdhëniet mes aleatëve nuk janë në nivelin e dëshiruar dhe se nevojitet një qasje më e koordinuar mes vendeve perëndimore.
Deklaratat vijnë pas kritikave të Trump ndaj disa vendeve të NATO-s dhe njoftimit për tërheqjen e trupave amerikane nga Gjermania.
Në samit u diskutua edhe për luftën në Ukrainë, situatën në Lindjen e Mesme dhe sigurinë e lundrimit në Ngushticën e Hormuzit, ndërsa Britania njoftoi nisjen e bisedimeve për t’iu bashkuar një kredie të BE-së për Ukrainën.
