Ministrja e Drejtësisë, Donika Gërvalla, ka zhvilluar një takim lamtumirës me Shefin e Misionit të EULEX-it në Kosovë, Giovanni Pietro Barbano, ku është diskutuar bashkëpunimi në fushën e sundimit të ligjit dhe proceset reformuese në drejtësi.
Gërvalla ka theksuar se reformat në sistemin e drejtësisë janë të domosdoshme dhe të pakthyeshme, duke shtuar se ato synojnë rritjen e llogaridhënies, integritetit dhe efikasitetit në institucionet e drejtësisë.
Ajo ka vënë theks të veçantë edhe te funksionalizimi i Byrosë Shtetërore për Verifikimin dhe Konfiskimin e Pasurisë së Pajustifikueshme, duke e cilësuar si një nga shtyllat kryesore të luftës kundër korrupsionit dhe krimit të organizuar.
Sipas saj, kjo Byro do të jetësohet dhe nuk ka alternativë tjetër përveç funksionalizimit të saj.
Në takim është diskutuar gjithashtu bashkëpunimi i vazhdueshëm me EULEX-in dhe rëndësia e shkëmbimit të përvojave në fushën e sundimit të ligjit.
