Kryetari i Partisë Demokratike e Kosovës, Bedri Hamza, ka reaguar pas zhvillimeve të mbrëmshme në Drenicë, duke i cilësuar si “skena aspak të mira” veprimet e Policia e Kosovës me njësi speciale.
Përmes një reagimi publik, Hamza tha se njësitë speciale janë dërguar “me urdhër të Qeverisë”, duke shtuar se pas tyre ka pasur “prapavija presioni dhe demonstrimi force”.
Ai i bëri thirrje kryeministrit në detyrë, Albin Kurti, që të ndalë, siç u shpreh, “propagandën, urrejtjen, provokimet dhe keqpërdorimin e shtetit për interesa partiake”.
Sipas Hamzës, “braktisja nga votuesit nuk mund të parandalohet me skenarë të rrezikshëm përçarës”.
Në fund, ai u bëri thirrje qytetarëve dhe votuesve të PDK-së që të ruajnë qetësinë dhe të fokusohen te zgjedhjet e 7 qershorit.
“Aty do ta japim me votë përgjigjen tonë ndaj politikës së përçarjes”, ka deklaruar Hamza.
