Konsumimi i tepërt i mishit të kuq mund të shkaktojë probleme të ndryshme shëndetësore, pavarësisht vlerave ushqyese që përmban.
Ekspertët paralajmërojnë se teprimi me mishin mund të ndikojë në tretje, peshë trupore dhe shëndetin e përgjithshëm.
Sipas specialistëve, një dietë e pasur me mish të kuq dhe e varfër me fibra mund të shkaktojë lodhje, konstipacion, rritje të kolesterolit dhe aromë të keqe të gojës.
Gjithashtu, mungesa e vitaminës C nga konsumimi i pakët i frutave dhe perimeve mund të ndikojë negativisht në flokë, lëkurë dhe thonj.
Mjekët rekomandojnë që mishi të konsumohet me masë dhe të shoqërohet me perime, fruta dhe ushqime të pasura me fibra për të mbajtur organizmin në balancë.
