Drejtoria Rajonale e Policisë në Gjilan ka njoftuar se gjatë periudhës 12–18 qershor 2026 janë shqiptuar gjithsej 1,534 gjoba në trafik. Gjatë kësaj kohe janë trajtuar 8 aksidente me dëme materiale dhe 15 aksidente me të lënduar.
Policia ka shqiptuar edhe 56 gjoba për mosvendosje të rripit të sigurisë, 34 për përdorim të telefonit gjatë ngasjes, si dhe 34 për modifikime të automjeteve. Po ashtu, 46 shoferëve u është ndaluar drejtimi i mjeteve motorike.
Policia në Gjilan u ka bërë thirrje qytetarëve që në rast aksidenti me dëme të vogla materiale të respektojnë procedurat ligjore dhe të plotësojnë raportin evropian të aksidenteve për të kontribuar në siguri më të madhe në trafik.
