Prishtinë, 11 shtator 2026 – Kryetarja e Kuvendit të Kosovës, Albulena Haxhiu, ka njoftuar se kandidatët për postet e nënkryetarëve do të votohen një nga një, pasi partitë politike nuk kanë arritur marrëveshje për një votim të përbashkët.
Pas takimit me shefat e grupeve parlamentare, Haxhiu tha se, në mungesë të konsensusit për votimin në pako, procedura do të vazhdojë me votim individual për secilin kandidat.
Sipas saj, kjo është mënyra e vetme për të vijuar procesin e zgjedhjes së nënkryetarëve të Kuvendit.
Seanca për këtë çështje ishte ndërprerë të mërkurën, pas mospajtimeve mes subjekteve politike lidhur me mënyrën e votimit.
