Në derbin e xhiros së 13-të të Superligës së Kosovës në hendboll për meshkuj, Rahoveci mposhti Kastriotin e Ferizajt me rezultat 32:28 në palestrën “Mizahir Isma”.
Rahoveci krijoi një epërsi të hershme 9:2 dhe e ruajti kontrollin gjatë gjithë ndeshjes. Egzon Gjuka shënoi tetë gola, ndërsa kontribuan edhe Lulzim Shabani dhe Ardit Tafilaj. Portieri Arbër Curri u dallua me pritje vendimtare.
Nga ana e Kastriotit, Wadi Chebbi mbajti skuadrën në lojë, ndërsa më efikasi ishte Festim Mustafa me tetë gola.
Me këtë fitore, Rahoveci doli në vendin e parë me 22 pikë, po aq sa edhe Kastrioti.
